Contributus po su deretu a su stùdiu

03/12/2020

In su giassu istitutzionali de sa Regioni, me in s’indiritzu https://www.regione.sardegna.it/j/v/2644?s=1&v=9&c=389&c1=1346&id=90504, e in is giassus de is Comunus de Biddobrana, Prammas, Sabarussa, Santa Justa e Siamaiore si ddoi agatant s’avisu e su modulu po presentai sa domanda de contributu po su deretu a su stùdiu. Su contributu ddu podint domandai is famìllias de is studiantis chi tenint unu I.S.E.E. (inditadori de sa situatzioni econòmica echivalenti) chi non propassat € 14.650,00.

Is interbentus finantziaus cun custu avisu funt duus:

1) sa Bussa de stùdiu regionali (po s’annu de scola 2019/2020), po scientis de is scolas pùblicas primàrias e segundàrias de primu e segundu gradu, bastit chi non apant gosau de sa Bussa de stùdiu statali;

2) su Bonu po sa còmpora de librus (po s’annu de scola 2020/2021), po scientis de is scolas segundàrias de primu e segundu gradu.  

Sa domanda bolit presentada a su Comunu de residèntzia aintru de su 30 de su mesi de nadali. Dda podint presentai is babbus e is mammas de is studiantis, su rapresentanti legali insoru o is studiantis etotu (si tenint 18 annus), alliongendi a su mòdulu de domanda custus documentus:

- fotocòpia de s’atestatzioni de s’I.S.E.E. bàlida, fata cunforma a sa normativa previdida de su DPCM n.159/2013;

- fotocòpia de su documentu de identidadi bàlidu de su chi fait sa domanda;

- (po su Bonu po sa còmpora de librus sceti): documentus chi provant sa spesa fata (scontrinus, arricidas, faturas).

Po àterus informus fait a tzerriai a su Comunu de residèntzia. (a.i.g.)