Movit su progetu “SARDEGNA-ITALIA-EUROPA: RAIGHINAS. VIVERE IL PRESENTE, PROJECTING TOWARD THE FUTURE” dedicau a is giòvunus intra de 14 e 35 annus

19/04/2021

Tenis intra de 14 e 35 annus? Ses interessada/u a connosci is oportunidadis de formatzioni e de traballu chi arribant de s’Europa? Bolis aprofundai is chistionis de is arrexinis nostas e de s’identidadi culturali de sa Sardigna?

S’Unioni de Comunus de is Fenìtzius, aintru de su programma de polìticas giovanilis chi megat de spoddiai, promovit su progetu “SARDEGNA-ITALIA-EUROPA RAIGHINAS. VIVERE IL PRESENTE, PROJECTING TOWARD THE FUTURE”. Sa faina, finantziada de sa Regioni Autònoma de Sardigna cun su Finantziamentu natzionali po is polìticas giovanilis, est po giòvunus intra de 14 e 35 annus.

Est una filera de fainas de formatzioni de importu, gratis, partzidas in cuatru atòbius in contu de custus temas:

- “Formatzioni e traballu in Europa”;

- “Is finantziamentus europeus po s’imprenditoria de is giòvunus sardus”;

-“S’identidadi culturali sarda e is polìticas europeas, statalis e regionalis po s’amparu de is minorias linguìsticas”;

- “Voluntariau internatzionali e cuncàmbias culturalis in Europa”.

Alliongiaus poneus su programma de is fainas e su mòdulu de iscritzioni, chi bolit fata aintru de su 28 de abrili de su 2021.

Si domandat a is giòvunus interessaus de cumpilai su cuestionàriu in lìnia anònimu chi s’agatat in su liòngiu https://forms.gle/QcVJcnN8v45YFRWs7, chi serbit comenti a scrucullu po connosci is ideas insoru in contu de su fràigu de sa tzitadinàntzia sarda, italiana e europea. (a.i.g.)